رمضان آسان ریسپیز

رمضان سحری میں کچھ خاص اور مزے دار ترکیبیں ہونی چاہئیں جو نہ صرف جلدی تیار ہوں بلکہ دن بھر توانائی بھی فراہم کریں۔ یہاں چند منفرد اور مزیدار پاکستانی سحری ریسپیز دی جا رہی ہیں۔

 1۔ حلوہ پوری پراٹھا

اجزاء:
– ایک چپاتی یا پراٹھا
– دو کھانے کے چمچ سوہن حلوہ یا سوجی کا حلوہ
– بادام اور پستہ باریک کٹے ہوئے

ترکیب:
چپاتی یا پراٹھے پر حلوہ پھیلائیں، اوپر بادام اور پستہ چھڑکیں اور رول بنا کر کھائیں۔ روایتی حلوہ پوری کا ایک نیا انداز، جو سحری میں میٹھے کے شوقین افراد کے لیے بہترین ہے۔

2 مٹن نہاری ود پراتھا

اجزاء:

– ایک پیالی مٹن نہاری
– ایک گندم کا پراٹھا
– ہری مرچ اور ادرک باریک کٹے ہوئے

ترکیب:

گرم گرم نہاری کو پراٹھے کے ساتھ کھائیں اور دن بھر کی توانائی حاصل کریں۔ اگر رات کو نہاری بنا کر رکھ لی جائے تو سحری میں جلدی سرو ہو سکتی ہے۔

 3۔ چکن مالاباری پراٹھا

اجزاء:

– ایک تیار شدہ پراٹھا
– آدھا کپ ریشے دار چکن
– دہی، ہرا دھنیا اور ہری مرچ باریک کٹی ہوئی
– ایک چمچ مایونیز

ترکیب:

چکن میں دہی، مایونیز، ہری مرچ اور دھنیا ملا کر پراٹھے میں رول کریں۔ یہ منفرد اور مزے دار رول سحری کے لیے زبردست انتخاب ہے۔

 4۔ کھجور بادام دودھ شہد

اجزاء:

– ایک گلاس ٹھنڈا دودھ
– چار سے پانچ کھجوریں
– پانچ بادام
– ایک چمچ شہد

ترکیب:

تمام اجزاء کو بلینڈر میں اچھی طرح مکس کریں اور ٹھنڈا کر کے پی لیں۔ یہ شیک دن بھر توانائی اور پیٹ بھرے رہنے کا احساس دیتا ہے۔

 5۔ چکن پنیر اسٹفڈ پراٹھا

اجزاء:

– ایک کپ ابلا ہوا چکن
– دو کھانے کے چمچ موزریلا پنیر
– ایک چائے کا چمچ کالی مرچ
– ایک گندم کا پراٹھا

ترکیب:

چکن، پنیر اور کالی مرچ کو مکس کر کے پراٹھے کے اندر بھر کر پکائیں۔ گرم گرم کھائیں، پنیر کی لذت سحری کو یادگار بنا دے گی۔

 6۔ مکھن شہد والا نان

اجزاء:

– ایک خمیری نان
– ایک چمچ دیسی مکھن
– ایک چمچ شہد

ترکیب:

نان پر مکھن اور شہد لگا کر کھائیں، مزیدار اور غذائیت سے بھرپور سحری کے لیے بہترین آپشن۔

یہ سب ترکیبیں روایتی سحری سے ہٹ کر کچھ نیا اور مزیدار ٹرائی کرنے کے لیے بہترین ہیں۔