اسلام میں حجاب ضروری نہیں
بھارتی عدالت نے منگل کے روز ریاست کرناٹک میں کلاس میں حجاب پر پابندی برقرار رکھتے ہوئے کہا کہ اسلام میں حجاب ضروری نہیں ہے۔
بھارتی میڈیا آؤٹ لیٹس کے مطابق، کرناٹک ہائی کورٹ کے چیف جسٹس ریتو راج اوستھی کی سربراہی میں تین ججوں پر مشتمل بنچ نے کہا کہ “یونیفارم کا معماملہ بنیادی حقوق پر ایک معقول معاملہ ہے۔”
عدالت نے 10 فروری کو طالب علموں سے کہا تھا کہ وہ اس وقت تک کوئی بھی مذہبی لباس نہ پہنیں جب تک کہ وہ حجاب پر پابندی کو ختم کرنے کی درخواستوں پر فیصلہ نہیں سنا دیتی۔
تنازعہ جنوری میں اس وقت شروع ہوا جب کرناٹک کے اُڈپی ضلع میں ایک سرکاری اسکول نے حجاب پہننے والے طالب علموں کو کلاس رومز میں داخل ہونے سے روک دیا، جس سے مسلمانوں کی طرف سے احتجاج شروع ہوا جن کا دعوی تھا کہ انہیں تعلیم اور مذہب کے بنیادی حقوق سے محروم رکھا جا رہا ہے۔
فیصلے سے قبل، کرناٹک حکومت نے عوامی امن و امان کو برقرار رکھنے کے لیے ریاستی دارالحکومت بنگلورو میں ایک ہفتے کے لیے بڑے اجتماعات پر پابندی لگا دی تھی۔
کچھ تنظیموں کے کارکنان نے خدشات کا اظہار کیا ہے کہ پابندی سے اسلامو فوبیا بڑھ سکتا ہے۔ وزیر اعظم نریندر مودی کی حکومت کرنے والی ہندو قوم پرست پارٹی کے تحت مسلمانوں کے خلاف تشدد اور نفرت انگیز تقاریر میں اضافہ ہوا ہے، جو ریاست کرناٹک پر بھی حکومت کرتی ہے۔
