ایمان کیا ہے؟ قیامت پہ ایمان— بچوں کے لیے سیریز (قسط نمبر 6)
موضوع: آخرت کا دن — نیکیوں کا بدلہ (ایمان بالیوم الآخر)
پچھلی قسط میں ہم نے اللہ تعالیٰ کے رسولوں کے بارے میں سیکھا۔
آج ہم اس دن کے بارے میں بات کریں گے جب اللہ تعالیٰ ہر انسان کو
اس کی نیکیوں کا بہترین انعام دے گا،
یعنی آخرت کا دن۔
1. آخرت کیا ہے؟
جیسے اسکول میں پورا سال محنت کرنے کے بعد ایک
Result Day آتا ہے،
بالکل ویسے ہی یہ دنیا ایک امتحان گاہ ہے
اور آخرت کا دن ہمارے اعمال کے نتیجے کا دن ہے۔
کامیابی کا دن: اس دن اللہ تعالیٰ تمام انسانوں کو دوبارہ زندہ کرے گا اور ان کے اعمال کا حساب لے گا۔
انصاف کا دن: جو نیکی کسی نے چھپ کر بھی کی ہوگی، اللہ تعالیٰ اسے ضائع نہیں کرے گا۔
2. جنت: ہمارا اصل گھر
اللہ تعالیٰ نے نیک بچوں اور بڑوں کے لیے
ایک بہت خوبصورت جگہ تیار کی ہے
جسے جنت کہتے ہیں۔
جنت کیسی ہوگی؟ وہاں نہ کوئی بیماری ہوگی، نہ بڑھاپا، نہ غم اور نہ آنسو۔ وہاں ہر خواہش پوری ہوگی۔
سب سے بڑی نعمت: جنت میں ہم اپنے پیارے نبی حضرت محمد ﷺ سے ملیں گے، اور سب سے بڑھ کر اللہ تعالیٰ کا دیدار کریں گے۔
3. جہنم سے بچاؤ
جو لوگ اللہ تعالیٰ کی نافرمانی کرتے ہیں
اور دوسروں کو تکلیف دیتے ہیں،
ان کے لیے جہنم کی سزا ہے۔
لیکن اللہ تعالیٰ بہت رحیم اور مہربان ہے۔
وہ چاہتا ہے کہ ہم نیکی کریں،
غلطی ہو جائے تو فوراً
استغفار کریں
اور اپنی اصلاح کر لیں۔
Activity Idea: جنت کا نقشہ (My Vision of Jannah)
سامان: ڈرائنگ شیٹ، کلرز، گلیٹر
طریقہ:
بچی سے کہیں کہ وہ اپنی پسند کی جنت کی تصویر بنائے۔
اس سے سوال کریں: آپ کی جنت میں کون سے باغ ہوں گے؟ کون سے پھول اور روشنی ہوگی؟
کسی جاندار کی تصویر بنائے بغیر صرف خوبصورتی اور نعمتیں دکھائیں۔
مقصد:
بچے کے دل میں آخرت کی کامیابی کا شوق
اور جنت کی محبت پیدا کرنا۔
Journaling Corner: میرا آخرت پر یقین
بچی سے یہ جملے مکمل کروائیں:
نیک لوگوں کا ٹھکانہ __________ ہے۔
ایک ایسی نیکی جو میں صرف اللہ کو خوش کرنے کے لیے کروں گی: __________
میری دعا: اللہم انی اسئلک الجنۃ
اگلی اور آخری قسط
عنوان: تقدیر — اللہ کا بہترین فیصلہ
