ؐوڈشیڈنگ کم کی جائے وزہراعظم شہابز شریف نے سختی سے حکم دے دیا
اسلام آباد: وزیراعظم میاں شہباز شریف نے ملک میں لوڈشیڈنگ میں اضافے پر برہمی کا اظہار کرتے ہوئے مئی تک لوڈشیڈنگ میں نمایاں کمی کا حکم دے دیا۔ مقامی ٹی وی کے مطابق مسلم لیگ ن کے صدر اور وزیراعظم شہباز شریف نے لوڈشیڈنگ میں کمی کے لیے ہنگامی بنیادوں پر اقدامات کرنے کی سخت ہدایات جاری کر دی ہیں
۔ انہوں نے واضح طور پر کہا ہے کہ سابقہ حکومت کی عدم توجہی سے شہریوں کو ہونے والی تکلیف سے بچانے کی کوشش کی جائے اور تیل و گیس کا بندوبست ہونے تک عبوری اقدامات کو بہتر بنایا جائے۔ شہباز شریف نے کہا کہ جب تک عوام کو اس عذاب سے نجات نہیں مل جاتی وہ خالی نہیں بیٹھیں گے۔ انہوں نے کہا کہ نواز شریف نے ملک میں وافر مقدار میں اضافی بجلی فراہم کی لیکن عمران حکومت نے نیا یونٹ نہیں لگایا
۔ سابق وزیراعظم پر تنقید کرتے ہوئے انہوں نے کہا کہ بروقت ایندھن منگوایا نہیں گیا اور فیکٹریوں کی مرمت نہیں کی گئی۔ ماضی کی حکومت کی غلطیوں کی قیمت قوم کو ہر ماہ 100 ارب روپے ادا کرنا پڑتی ہے۔ ٹی وی کے مطابق وزیراعظم میاں شہباز شریف نے کہا کہ پہلے ایل این جی کا جہاز 6 ارب روپے میں ملتا تھا لیکن اب ایل این جی کا جہاز قوم کو 20 ارب روپے کا لگ رہا ہے۔ میاں شہباز شریف نے خبردار کیا کہ عمران کے اس ظلم سے اس سال قوم کو 500 ارب روپے سے زائد کا نقصان اٹھانا پڑے گا
۔ انہوں نے کہا کہ توانائی کے شعبے کو تباہ کرنے اور معیشت کو دیوالیہ کرنے کی سازش رچی گئی۔ اس سے قبل وزیراعظم شہباز شریف نے سابق وزیراعظم عمران خان کی فول پروف سیکیورٹی یقینی بنانے کا حکم دیا تھا۔ شہباز شریف نے وزارت داخلہ کو سختی سے ہدایت کی کہ عمران خان کی سیکیورٹی خطرے کی رپورٹ پر فوری اور موثر کارروائی کی جائے۔ وزیراعظم نے وزیر داخلہ رانا ثناء اللہ کو ہدایت کی ہے کہ وہ ذاتی طور پر نگرانی کریں اور احکامات پر عملدرآمد کو یقینی بنائیں۔
وزیراعظم کی ہدایت پر وزارت داخلہ نے چاروں صوبوں، آزاد کشمیر اور گلگت بلتستان کے ہوم سیکرٹریز کو ہنگامی خط لکھ کر عمران خان کے لیے سخت حفاظتی اقدامات کرنے کا حکم دیا۔ وزارت داخلہ نے آئی جی اور چیف کمشنر اسلام آباد کو بھی ہدایات جاری کر دی ہیں۔ وزارت داخلہ کے ہنگامی مراسلے میں کہا گیا ہے کہ عمران خان ملک بھر میں جہاں بھی جائیں ان کے لیے سخت سیکیورٹی کو یقینی بنایا جائے۔
لوڈ شیڈنگ کم کی جائے کا حکم تو آگیا اب اللہ کرے ایسا ہی ہو۔آمین
