363

لوڈ شیڈنگ کی ذمہ دار سابق حکومت

تحریر شئیر کریں

لوڈ شیڈنگ کی ذمہ دار سابق حکومت ہے شہباز شریف نے الزام عمران خان پر لگا لیا

اسلام آباد: وزیر اعظم شہباز شریف نے بروقت اقدامات نہ کرنے پر پی ٹی آئی حکومت کو ملک میں بدترین لوڈشیڈنگ کا ذمہ دار قرار دے دیا۔ اپنے ایک بیان میں وزیر اعظم شہباز شریف نے کہا کہ نواز شریف کی حکومت نے 5 سال میں بدترین لوڈشیڈنگ کا خاتمہ کیا لیکن پی ٹی آئی حکومت نے بروقت ایندھن نہیں خریدا اور پاور پلانٹس کی مرمت نہیں کی۔ انہوں نے کہا کہ لوڈشیڈنگ ک

ی وجہ بروقت ایندھن کی خریداری اور پاور پلانٹس کی مرمت نہ کرنا ہے، انہوں نے مزید کہا کہ بجلی کی مہنگی پیداوار شہریوں پر ماہانہ 100 ارب روپے کا بوجھ ہے۔ وزیراعظم نے کہا کہ ہم لوڈشیڈنگ کا مسئلہ ٹھیک کر رہے ہیں۔ ادھر وزیراعظم میاں شہباز شریف نے ملک میں لوڈشیڈنگ میں اضافے پر برہمی کا اظہار کرتے ہوئے مئی تک لوڈشیڈنگ میں نمایاں کمی کا حکم دے دیا۔ مقامی ٹی وی کے مطابق مسلم لیگ ن کے صدر اور وزیر اعظم شہباز شریف نے لوڈشیڈنگ میں کمی کے لیے ہنگامی بنیادوں پر اقدامات کرنے کی سخت ہدایات جاری کر دی ہیں۔ انہوں نے واضح طور پر کہا ہے کہ سابقہ ​​حکومت کی عدم توجہی سے شہریوں کو ہونے والی تکلیف سے بچانے کی کوشش کی جائے اور ت

یل و گیس کا بندوبست ہونے تک عبوری اقدامات کو بہتر بنایا جائے۔ شہباز شریف نے کہا کہ جب تک عوام کو اس عذاب سے نجات نہیں مل جاتی وہ خالی نہیں بیٹھیں گے۔ انہوں نے کہا کہ نواز شریف نے ملک میں وافر مقدار میں اضافی بجلی فراہم کی لیکن عمران حکومت نے نیا یونٹ نہیں لگایا۔ سابق وزیراعظم پر تنقید کرتے ہوئے انہوں نے کہا کہ بروقت ایندھن منگوایا نہیں گیا اور فیکٹریوں کی مرمت نہیں کی گئی۔ ماضی کی حکومت کی غلطیوں کی قیمت قوم کو ہر ماہ 100 ارب روپے ادا کرنا پڑتی ہے۔ ٹی وی کے مطابق

وزیراعظم میاں شہباز شریف نے کہا کہ پہلے ایل این جی کا جہاز 6 ارب روپے میں ملتا تھا لیکن اب ایل این جی کا جہاز قوم کو 20 ارب روپے کا لگ رہا ہے۔ میاں شہباز شریف نے خبردار کیا کہ عمران کے اس ظلم سے اس سال قوم کو 500 ارب روپے سے زائد کا نقصان اٹھانا پڑے گا۔ انہوں نے کہا کہ توانائی کے شعبے کو تباہ کرنے اور معیشت کو دیوالیہ کرنے کی سازش رچی گئی۔

اس خبر پر اپنی رائے کا اظہار کریں